असहाय, अति-विपन्न तथा मजदूरलाई मात्रै राहत लिन कामपाको आग्रह

२० चैत्र २०७६, काठमाडौं

काठमाडौं महानगरपालिका प्रमुख विद्यासुन्दर शाक्यले असहाय, अतिविपन्न तथा मजदूरलाई मात्र राहत लिनका लागि आग्रह गरेका छन् ।

आज एक अपिल जारी गर्दै नगरप्रमुख शाक्यले ‘लकडाउन्’ पूर्ण रुपमा पालना गर्न पनि महानगरवासीलाई आग्रहगरेका छन् । प्रमुख शाक्यले अभिभावक नभएका, आयस्रोत तथा जायजात नभएका, वृद्धाश्रम, संरक्षणगृह, मन्दिर, गुम्बा, मस्जिदमा आश्रित, आम्दानीको स्थायी स्रोत नभएका, दैनिक गुजारा गर्न धौधौ पर्ने महानगरवासीलाई राहत वितरण शुरु गरेको बताएका छन् ।

सरकारले घोषणा गरेको दुई साताको ‘लकडाउन्’ उल्लंघन गर्ने छिटफुट गतिविधिहरू हुन थालेको भन्दै त्यसलाई जिम्मेवार ढंगले सबैलाई पूरा गर्न पनि उनले आग्रह गरेका हुन् ।

|तस्वीरमा महानप्रमुख शाक्य। फाइल तस्वीर|